Este mércores 23, publicacións gratuítas para os visitantes da Casa do Cabido de Santiago no Día do Libro

22 Abril 2025

O Consorcio de Santiago súmase á celebración do Día Internacional do Libro cunha iniciativa que busca achegar a cultura á cidadanía. Este mércores 23 de abril, todas as persoas que se acheguen á Casa do Cabido recibirán de balde publicacións coeditadas polo propio Consorcio, nunha xornada que pon o foco na difusión do patrimonio literario, artístico e histórico de Santiago de Compostela.

Os libros que se entregarán pertencen ás diferentes bibliotecas do Consorcio e abranguen temáticas diversas relacionadas coa cidade, como a literatura, a arte ou a historia local. Ademais, haberá títulos dirixidos a un público infantil e xuvenil, co obxectivo de fomentar o gusto pola lectura desde idades temperás.

Esta actividade únese á exposición actualmente aberta na Casa do Cabido, «Compostela a Lupa. Manuel Chicharro Bisi entre dous aniversarios (1849-1924)», unha mostra que rende homenaxe ao fotógrafo Manuel Chicharro e ao seu fillo Luis Chicharro. A exposición, organizada en colaboración co Instituto de Estudos Galegos Padre Sarmiento (CSIC-Xunta de Galicia), conmemora o 175 aniversario do nacemento e o centenario do falecemento de Chicharro Bisi, unha figura clave na historia da fotografía compostelá.

A Casa do Cabido poderá visitarse neste horario: de martes a sábados, de 10:00 a 14:00 h e de 17:00 a 21:00 h; e os domingos, de 11:00 a 14:00 h.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.