A captación de augas para dar servizo á zona sur do concello, a posibilidade de construír un novo Centro de Saúde en Porto do Son, a execución de
melloras no CEIP Portosín e a fachada marítima de Portosín foron os temas a tratar.
O rexedor destacou que “esta primeira reunión senta as bases para mellorar o noso municipio, e quero agradecer a Alfonso Rueda o seu
compromiso para que así sexa”.
O alcalde de Porto do Son, José Luis Oujo, mantivo esta semana unha reunión co presidente da Xunta de Galicia, Alfonso Rueda, co obxectivo de abordar varios temas de gran relevancia para a veciñanza do municipio.
Entre os asuntos tratados destacaron a captación de augas para abastecer á zona sur do concello, a posible construción dun novo Centro de Saúde en Porto do Son, a execución de melloras no CEIP de Portosín e a renovación da fachada marítima desta localidade.
José Luis Oujo agradeceu “a boa disposición por parte do goberno autonómico, especialmente do seu presidente, Alfonso Rueda, para que estes puntos tan importantes para nós sexan tomados en conta para executarse no futuro”.
O alcalde subliñou que “esta primeira reunión senta as bases para mellorar Porto do Son, e seguiremos traballando para darlle continuidade a este modelo de actuación”.
