O Concello de Ribeira inviste 315.000 euros para mellorar o Parque Periurbano e o Centro de Interpretación de San Roque

09 Abril 2025

O Concello de Ribeira está realizando un importante investimento público que supera os 315.000 euros e que vai destinado a mellorar e poñer a punto o Parque Periurbano de San Roque. Esta actuación abrangue diversas melloras no complexo ambiental e tamén no centro de interpretación da cidade.

Unha das actuacións máis salientábeis é a mellora da eficiencia enerxética, coa instalación dun sistema de iluminación no parque que permitirá “un uso máis prolongado deste espazo natural durante todo o ano, especialmente no inverno no que as horas de luz son moitas menos que na época estival”, explicaron fontes do Concello, engadindo, máis en detalle, que se van instalar dous tipos de luminarias, sobre columna de 5 metros e balizas. Para levar a cabo a instalación dotarase dun novo cadro de iluminación e as luminarias serán de tipo LED ou solares, tentando conseguir a

maior eficiencia posíbel. Inclúese tamén unha reforma integral no exterior do Centro de Interpretación, centrada na mellora da impermeabilización e o seu pintado, para garantir a conservación do edificio fronte ás inclemencias meteorolóxicas.

Ademais, co obxectivo de facer o espazo accesíbel a toda a cidadanía, instalouse un pequeno ascensor, garantindo así o acceso universal ás instalacións.

Outro dos piares desta intervención foi a renovación dos contidos expositivos do Centro de Interpretación. Segundo informou o tenente de alcalde, Francisco Suárez-Puerta, apostouse por novas tecnoloxías mediante a incorporación de pantallas interactivas que permiten aos visitantes coñecer a historia do municipio ribeirense dunha forma máis atractiva e dinámica. “Coa renovación do Centro de Interpretación e a mellora do Parque Periurbano reforzamos a nosa oferta turística cun relato actualizado e cun espazo moito máis acolledor. É unha aposta clara pola modernización e a posta en valor da nosa historia”, sinalou Suárez-Puerta.

Pola súa banda, o alcalde de Ribeira, Luís Pérez Barral, destacou que “dende o Goberno local faise un importante esforzo económico coa finalidade de facer deste espazo natural unha zona de lecer libre de barreiras e atractivo para a veciñanza e para as persoas que visitan Ribeira”.

Segundo apuntaron, todas estas actuacións “responden directamente ás prioridades que veciñanza nos trasladou na consulta pública que puxemos en marcha desde o Concello”, onde unha das demandas máis repetidas foi a necesidade de actuar neste espazo verde do centro urbano.

Pérez Barral salientou que con este investimento refórzase a mellorados espazos públicos dos que goza a cidadanía, evitando o seu abandono, e facendo que teñan unha maior calidade de vida. Todas estas actuacións veñen consolidar ese novo modelo urbano sustentábel, accesible e participativo grazas á mellora dos espazos públicos.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.