O concello de Porto do Son vai acoller en abril un curso gratuíto de Agricultura Ecolóxica, de 15 horas de duración e impartido por ASAJA Formación e ENDESA Clientes, en colaboración co Concello. Desenvolverase os días 28, 29 e 30 de abril, en horario de 16.00 a 21.00 horas, no Viveiro de Empresas de Porto do Son. O prazo para inscribirse está xa aberto e pódese formalizar a través da conta de correo formación@asaja.com ou o teléfono 638 160 677. Máis información no Blog de Emprego do Concello.
O obxectivo é proporcionar os fundamentos básicos das explotacións agrarias ecolóxicas, brindando ás persoas participantes coñecementos sobre as técnicas para aplicar, a normativa que regula as axudas para o seu desenvolvemento e as boas prácticas neste ámbito. Este curso é apto para todos os participantes.
