Este xoves 27 de marzo, ás 18:30 horas, a Casa da Cultura da Serra de Outes será o escenario dunha nova conferencia das XIX Xornadas de Información Sociosanitaria de Outes e das IV Xornadas do Programa Universitario de Maiores en Outes, correspondentes ao IV Ciclo da USC 2024-2025.
Nesta ocasión, a conferencia, titulada “Proxecto Xenoma”, será impartida polo Dr. Ángel Carracedo Álvarez, director da Fundación de Medicina Xenómica (Sergas) e membro do grupo de Medicina Xenómica da USC. A sesión será coordinada polo Dr. Xosé Mª Dios Diz, médico especialista de Atención Primaria en Outes.
O evento, que conta coa colaboración do Concello de Outes, a Universidade de Santiago de Compostela (USC), a Asociación de Discapacitados da Bisbarra de Muros (ADISBISMUR) e a Asociación Cultural Terra de Outes, permitirá aos asistentes obter unha certificación da USC pola participación nas xornadas, cunha duración total de 16 horas.
Dado que o aforo é limitado, recoméndase reservar praza con antelación chamando ao teléfono 981 850 575.
