Os alcaldes e a veciñanza de Padrón e Dodro uníronse a Barbanza Arousa na manifestación deste sábado na Pobra en contra de Altri

24 Marzo 2025

Ademais de contar co apoio dunha parte importante da cidadanía de Barbanza, incluídos os alcaldes de Barbanza Arousa (Ribeira, A Pobra, Boiro e Rianxo), a manifestación deste sábado 22 de marzo celebrada na Pobra do Caramiñal contra a macrocelulosa de Altri en Palas de Rei e a mina de Touro foi arroupada tamén por outros concellos da nosa comarca. Por exemplo o apoio dos concellos de Dodro e Padrón, que marcharon xuntos na mobilización, representados polos seus alcaldes (Xavier Castro e Anxo Arca) e pola veciñanza na defensa do río Ulla e a ría de Arousa. “Esta mañá un bo número de veciños e veciñas de Padrón, Dodro e outros pobos irmáns acudimos á Pobra para amosar o noso rexeitamento ao proxecto de Altri”, sinalaron dende as redes sociais municipais, certificando a súa firme oposición a “este macroproxecto que a compañía portuguesa quere instalar en Palas de Rei (Lugo) por ser altamente contaminante, ademais de poñer en perigo a viabilidade do sector agro-gandeiro a longo prazo”.

Para os concellos de Dodro e Padrón, estamos” ante un atentado contra o patrimonio natural dos nosos territorios que pon en risco o abastecemento de auga procesada na estación de tratamento de augas para consumo doméstico, unha estación (a de Padrón) que leva a auga do río Ulla a todos os municipios da ría Arousa”. En concreto, esta infraestrutura fornece de auga a 90.000 persoas en concellos como Padrón, Catoira, Boiro, Dodro, A Pobra do Caramiñal, Pontecesures, Rianxo, Ribeira, Valga e Vilagarcía de Arousa.

O Concello de Padrón rexeita de maneira firme a implantación dunha macrocelulosa en Palas de Rei e xa presentou alegacións en defensa da calidade da auga potábel no municipio. Esta decisión, como lembraremos, foi adoptada na sesión extraordinaria urxente do pleno celebrada o pasado 17 de abril.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.