Licitado o servizo de lavandería para os centros hospitalarios da área sanitaria de Santiago de Compostela e Barbanza

21 Marzo 2025

A Xunta, a través da Consellería de Sanidade, publica hoxe no Portal de Contratos Públicos a licitación, por importe de 7.207.970 euros, do servizo de lavandería para os centros hospitalarios da área sanitaria de Santiago de Compostela e Barbanza.

O prazo de execución do contrato será de 24 meses e poderá ser obxecto de prórroga por un período máximo de 12 meses. O valor estimado do contrato coas posibles prórrogas acada os 10,7 millóns de euros.

Este servizo prestarase para o Hospital Clínico Universitario, o Gil Casares, o Médico Cirúrxico de Conxo, o Hospital Psiquiátrico de Conxo e o Hospital da Barbanza, en Ribeira.

A roupa dun centro sanitario constitúe un dos principais focos de contaminación debido ao seu permanente contacto coas persoas enfermas, polo que se fai imprescindible o estrito cumprimento dunha serie de exixencias non só no procesamento e hixienización, senón tamén nas instalacións en que se realiza o tratamento da roupa, nos métodos e procesos utilizados ou no seu transporte e manipulación.

En consecuencia, o servizo que se contrata inclúe, entre outras prestacións, o lavado, desinfectado, secado, seleccionado, encartado, pasado de ferro e empaquetado da roupa procedente dos hospitais que compoñen esta área sanitaria, referida aos seguintes artigos: roupa de cama e aseo, roupa de pacientes, roupa de persoal (uniformes e EPI), cortinas, etc.

Inclúe tamén a selección e clasificación da roupa por artigos e talles ou tamaños e a entrega en carros diferenciados.

Así mesmo, tamén é obxecto do contrato a limpeza xeral, a desinfección e o mantemento de carros e vehículos destinados á distribución da roupa; o control de calidade previo á entrega das pezas de roupa aos hospitais, ademais da recollida da roupa sucia das zonas de depósito en todos os hospitais da Área Sanitaria.

Estimouse a cantidade de roupa que se vai procesar sobre a base de datos históricos do servizo  referido ao ano 2024: cifrouse en 2.590.000 kg de media anual e en 7.096 kg a media diaria.

As empresas interesadas terán ata o día 21 de abril para presentar as súas ofertas.

Outros artigos

Noia incorpora un novo axente da Policía Local

O pasado venres, o alcalde de Noia, Fran Pérez, participou na sinatura do contrato dun novo axente que se incorpora ao corpo da Policía Local, un axente que xa ten un amplo coñecemento da vila e da súa contorna tras realizar no municipio noiés o seu período de...

+

Publicidade

Revista en papel

Opinión

“Derechos”. Roberto Carlos Mirás

“Derechos”. Roberto Carlos Mirás

Dentro de unos días todos los españoles tendrán la oportunidad de cambiar de Gobierno y que éste sea mucho mejor que el anterior. El Gobierno de Pedro Sánchez ha estado rodeado de múltiples investigaciones tanto a nivel personal como el de un presidente que prometió...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.