Inaugura pola Xunta en Ribeira unha exposición itinerante en homenaxe a galegas ilustres

08 Marzo 2025

Coincidindo co Día Internacional da Muller, a Xunta de Galicia presentou esta mañá en Ribeira unha exposición itinerante que dedica cada un dos seis parques naturais galegos a unha muller destacada polos seus méritos e contribución en diversos ámbitos sociais, científicos e culturais.

A inauguración tivo lugar no Centro de Visitantes Casa da Costa, no Parque Natural de Corrubedo e Lagoas de Carregal e Vixán, onde a conselleira de Medio Ambiente e Cambio Climático, Ángeles Vázquez, destacou o obxectivo da mostra: establecer unha conexión entre a riqueza natural destes espazos protexidos e a pegada histórica de mulleres galegas que foron referentes nos seus campos.

“Tanto os nosos parques naturais como as galegas ilustres son parte do patrimonio feminino de Galicia”, afirmou Vázquez, subliñando a importancia de protexer e divulgar as súa historias para que sirvan de inspiración na construción dun mundo baseado na igualdade e a sustentabilidade.

As protagonistas da mostra, cada unha asociada a un parque natural, son: Elisa Patiño (Monte Aloia), Ángela Ruíz (Fragas do Eume), Antonia Ferrín (Serra da Enciña da Lastra), Filomena Dato (O Invernadeiro), Exeria (Baixa Limia-Serra do Xurés) e Ángeles Alvariño (Corrubedo). Seis mulleres caracterizadas polo seu inconformismo e adianto ao seu tempo, seleccionadas polo seu papel clave no progreso social e económico de Galicia, con recoñecemento tanto a nivel nacional como internacional.

Acompañada pola delegada territorial da Xunta na Coruña, Belén do Campo, a conselleira destacou que a mostra Parques naturais en feminino busca vincular os logros destas mulleres con espazos naturais emblemáticos da comunidade.

“Debemos seguir protexendo a nosa historia, a nosa natureza e os nosos dereitos coa mesma paixón coa que estas seis mulleres defenderon os seus ideais”, concluíu Ángeles Vázquez, facendo fincapé en que a defensa do medio ambiente e a loita por unha sociedade máis xusta e sostible son responsabilidades compartidas por todos.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.