Este sábado 8 de marzo, no marco das celebracións rianxeiras do Día Internacional da Muller (8M) o Pazo de Martelo, histórica sede remodelada da Biblioteca Municipal, acollerá o contacontos Rapazas de conto, da man de Marisa Irimia, actriz, ilustradora e contadora galega.
Rapazas de conto é un espectáculo de narración oral para nenas/os. O obxectivo prioritario é fomentar valores igualitarios e non discriminatorios por razón de sexo/xénero a través de contos e historias onde as rapazas desenvolven un papel activo, como base para un aprendizaxe do respecto e a Igualdade, potenciando a análise crítica dos modelos de masculinidade e feminidade existentes e favorecendo a busca de novos referentes.
