O Entroido de Muros viviu un dos seus momentos álxidos co Concurso de Comparsas, que repartiu 3.525 euros en premios

03 Marzo 2025

O Entroido de Muros tivo un dos seus puntos culminantes este domingo 2 de marzo co Desfile e Concurso de Comparsas, que saiu desde a Virxe do Camiño ata o Curro da Praza de Muros e contou coa actuación do colectivo Bloco Meigallo. Este ano, o concurso repartiu 3.525 € en premios e introduciu dúas novas categorías: Carrozas e Murgas, ademais das tradicionais modalidades de individual, grupos e comparsas.

Nas categorías de carrozas e comparsas, o primeiro posto foi para As Brincadeiras (Os chupasangres de Brincalvania) e o segundo posto para A Pista (A que iríamos a América?).

A proposta ET. Xubílome en Muros foi o mellor disfrace individual e Quenchedera’ gañou nas categorías de grupos e murgas con Para o ano, se dios quere!

O Entroido continuará con varias festas infantís de disfraces en diferentes localizacións: o luns 3 de marzo no Pavillón Xosé Lago (Esteiro) e no Muíño de Mareas do Pozo do Cachón (Serres); o martes 4 de marzo no Centro Social de Louro (Muros); e o venres 7 de marzo no Centro San Xosé (Muros).

O mércores 5 de marzo, Muros despedirá o Entroido co tradicional Enterro do Facundo, que sairá da praza do Cristo e finalizará coa súa queima na praia do Castelo. A xornada estará animada pola música de La Maquinaria Band.

A concelleira de Cultura, Caridad González, animou a toda a veciñanza a participar nesta celebración: “O Entroido é unha das festividades máis relevantes da nosa comarca, unha oportunidade para gozar, compartir e manter viva a nosa tradición”.

Toda a información sobre o programa e as bases do concurso de comparsas pódese consultarse na web oficial do Concello de Muros.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.