Un ano máis, a familia da asociación inclusiva da nosa comarca Amicos engalanouse para participar a tope do Entroido e desfrutar dunha xornada cargada de disfraces, música e moita diversión.
Este xoves, 27 de febreiro, o Centro de Atención Integral de Amicos converteuse nunha gran feira ambulante, onde os seus corredores serviron de escenario para un desfile cargado de atraccións, churros e moita música. Con este tema central, os e as participantes dos distintos obradoiros desfilaron polo corredor central do Centro de Atención Integral, emprazado en Boiro, a partir das 12.00 horas para mostrar os seus disfraces grupais, nos que levan traballando varias semanas.
Os preparativos estendéronse arredor de dúas semanas, durante as que os mozos e mozas crearon tanto os seus disfraces como a decoración do centro, que incluíu dende un posto de algodón de azucre ata un posto de flocos de millo.
Os encargados de abrir o desfile ao ritmo da música foron o grupo Os toritos bravos, aos que seguiron o grupo Os que jastan pista, caracterizados de coches eléctricos. A continuación foi a quenda dos peques de Amicos e a súa Viaxe á ilusión, na que representaron un gran carrusel, e tralos que desfilaron o grupo de O Saltón. Durante a segunda metade do desfile, pasearon polo corredor Flocos de Millo, Cola e DJ Otilio e O tren da bruxa. Tampouco faltaron @s churreir@s de Maruxa e Os viaxeiros do Barbanza, que prepararon un gran barco viquingo dos non faltan neste tipo de festas.
Ao remate do desfile, foi a quenda da entrega de diplomas entre @s participantes. Despois dunha intensa deliberación, o xurado formado por familiares e técnic@s declarou o seguinte palmarés:
O tribunal estivo formado por Nerea Montero e Iván Sánchez, alumnos-traballadores da formación dual Oficina de Validación Cognitiva; Teresa González e Marina, familiares de beneficiarios da entidade, e Araceli Rial e Paula Santamaría, traballadoras da mesma.Tralo concurso, a comunidade de Amicos desfrutou dun día cheo de música, doces típicos, baile e moita diversión.
Ademais da celebración deste xoves 27, os cativos e cativas da área de peques de Amicos festexarán un pequeno Entroido nas dependencias da asociación en Oleiros, Ribeira. Alí desfrutarán dunha mañá chea de música, baile, diversión e unha merenda conxunta. Se ben o xoves se adentraron nunha feira do máis intensa, o venres a rapazada poderá escoller o traxe que máis lle apeteza.
