O Centro Social de Boiro acolle este xoves 20 de febreiro, ás 18.00 horas, unha charla sobre diversidade familiar e fogares monomarentais impartida por FAGAMOS, Asociación de Familias Monomarentais de Galicia. As inscricións cómpre facelas no CIM (Centro de Información da Muller) de Boiro mediante o enderezo electrónico cim@boiro.org ou o teléfono 981 84 48 00 ext.1285.
A charla está organizada polo Concello de Boiro, a través da área de Política Social, e encádrase nun novo programa de actividades formativas e sesións divulgativas que se van desenvolver durante os vindeiros meses.
As actividades tamén inclúen formacións. A primeira delas será sobre Intervención en risco de suicidio, estará impartida pola Asociación Pro Saúde Mental e será o xoves 27 de febreiro de 10.00 a 13.00 horas no Centro Social de Boiro.
A segunda das formacións será sobre Conceptos básicos sobre identidades de xénero e orientación sexuais, impartida por ARELAS, Asociación de Familias Menores e Trans, e terá lugar o 10 de marzo de 10.00 a 13.00 horas no Centro Social de Boiro.
Para participar en calquera das formacións é necesario inscribirse previamente no CIM de Boiro mediante o enderezo electrónico cim@boiro.org ou o teléfono 981 84 48 00 ext. 1285.
