O pasado domingo 26 de xaneiro o Concello de Ribeira inaugurou o Centro Social de Carreira, novas e modernas instalacións deseñadas para satisfacer unha demanda das e dos residentes que vén moi de atrás e para atender tamén as necesidades sociais e culturais da veciñanza desta parroquia. Este 11 de febreiro o Concello confirmou que a brigada municipal de obras vén de rematar os traballos da parte exterior do inmóbel acabado de inaugurar para “cumprir coas normas de accesibilidade universal”. Traballouse nunha rampla de acceso, na renovación da contorna e na instalación de bancos reciclados máis xardinería. Dende o Concello felicitaron á brigada de obras polo traballo despregado.
