O Concello de Boiro celebra o vindeiro venres 7 de marzo o Xantar de Confraternidade da Terceira Idade 2025, unha cita anual para as persoas maiores de 65 anos ou xubiladas e que este ano terá temática de entroido. As inscricións para asistir poderán facerse entre o 24 e o 28 de febreiro.
O Concello explicou que o cátering está previsto para 500 persoas e contará co música e baile. Engadiu que o prezo do xantar será de 25 euros e poderanse inscribir no mesmo prazo tanto as persoas empadroadas como non empadroadas que teñan máis de 65 anos ou que acrediten a condición de xubilación.
As inscricións poderanse facer no prazo indicado, en horario de 10.00 a 12.00 horas, no segundo andar da Casa Consistorial de Boiro, sempre previstos do DNI das persoas solicitantes e, ao igual que o pasado ano, poderase efectuar o pago con tarxeta no momento da inscrición e facer a reserva de mesa.
