O escritor Carlos Callón (Castiñeiras, Ribeira, 1978) vai estar este 7 de febreiro en Santiago, na Libraría Couceiro, para presentar un proxecto de camisolas inspiradas no libro Vidas e historias LGBT da Idade Media: un acto de reivindicación e visibilidade fronte aos ataques homófobos e tránsfobos dos que foron obxecto o propio libro e o autor e, por extensión, calquera obra creativa (malia o que supostamente se ten avanzado na sociedade na que vivimos) que aposte pola liberdade e o respecto pola diversidade sexual.
As camisolas céntranse nas historias de Urso e Rufino (de Taragoña, probábeis amantes, aprox. séc. III) e de Pedro Díaz e Munio Vandílaz (de Rairiz de Veiga, século XI, o matrimonio documentado entre homes máis antigo na Península Ibérica).
Lugar: Libraría Couceiro (praza de Cervantes, 6, Santiago de Compostela).
Día: Mañá, 7 de febreiro de 2025.
Hora: 12h.
Participarán:
– Xurxo Ayán, arqueólogo que estudou a lápida sepulcral de Urso e Rufino, e investigador da Universidade Nova de Lisboa.
– Daniel Portela Macua, fundador da empresa Acontravento, creadora das camisolas.
– Carlos Callón, autor do libro Vidas e historias LGBT da Idade Media e profesor da USC.
