O Concello de Boiro recibe da Deputación da Coruña unha subvención por importe de 52.000 euros para o reforzo de persoal de obras e servizos mediante o programa PEL Concellos 2025. En total está prevista a contratación de cinco peóns durante seis meses.
Coa súa participación neste programa, o Concello de Boiro busca “fomentar o emprego e a empregabilidade mediante a contratación de persoal en situación de exclusión laboral así como reforzar os departamentos municipais dedicados aos servizos básicos como é a limpeza e mantemento de espazos públicos, iluminación pública, limpeza viaria, rede de sumidoiros…”, explicaron dende o Consistorio,
O Plan de Emprego Local (PEL) da Deputación da Coruña ten como obxectivo acadar uns maiores niveis de desenvolvemento económico, calidade de emprego, benestar social e cohesión do territorio.
