O 112 Galicia xestionou 315 incidencias relacionadas coa meteoroloxía adversa ata as cinco desta tarde.
Con respecto ao anterior balance, poucos cambios en canto á tipoloxía das intervencións que se rexistraron, pois segue a ser a caída de árbores, cables, postes e sinais de tráfico o tipo de incidencia máis repetido. Deste xeito, contamos máis dun cento de intervencións pola caída de vexetación e 46 por cables, postes, carteis e sinais de tráfico. Ademais, debemos subliñar as saídas dos equipos de emerxencias por asolagamentos e bolsas de auga nas estradas, que sumaron un total de 20 no período antes indicado.
Cómpre engadir as accións desenvolvidas polos grupos de intervención para reducir riscos á poboación, como é a retirada de obxectos susceptibles de caer á vía ou calquera outra situación que afecte á seguridade das persoas. Estas intervencións sumaron un total de 75 no mesmo intervalo de tempo.
En canto ao reparto por provincias, indicamos que destaca A Coruña con 127 incidencias, Pontevedra con 116, Lugo con 53 e Ourense con 19.
Se atendemos aos concellos, sinalamos os que rexistraron maior número de intervencións en cada provincia. Así, na Coruña, Santiago (16), Narón (6), A Coruña (6), Ferrol (5), Ames (5); en Pontevedra, Vigo (45), Pontevedra (14), Redondela (6), ; en Lugo, Burela (7), Vilalba (5), Friol (4); en Ourense, Maceda (3), O Barco (2), Carballiño (2), Celanova (2).
Con todo, debemos indicar que ningunha das intervencións rexistradas causou danos persoais e, en todo caso, insistimos na necesidade de manter a precaución, xa que volve activarse a alerta vermella en boa parte do litoral de Galicia e continúa a observación e vixilancia nos ríos por puntuais desbordamentos. Neste senso, lembramos que as alertas activas poden consultarse aquí.
