Este mércores, unha nova borrasca desprazarase polo Cantábrico, provocando un notable empeoramento das condicións meteorolóxicas en Galicia. O paso dunha fronte fría asociada á borrasca IVO deixará chuvias persistentes durante a mañá, que serán intermitentes pola tarde, aínda que ocasionalmente fortes e acompañadas de sarabia e aparato eléctrico.
A cota de neve situarase inicialmente nos 1000 metros, pero descenderá ata os 800 metros ao final da xornada. Pola súa banda, as temperaturas non experimentarán cambios significativos.
O vento soprará con forza no litoral, de compoñente oeste pola mañá e virando a noroeste-norte a partir do mediodía. No interior, os ventos serán moderados, aínda que con intervalos fortes nas zonas altas. Recoméndase precaución debido á intensidade do vento e ás posibles acumulacións de neve en áreas montañosas.
O noso mar: Vento do oeste á mañá e á tarde e do noroeste á noite, forza 7 a 8 á mañá e 6 a 8 á tarde e á noite. Vaga. Visibilidade mala á mañá e á tarde e regular á noite. Mar de fondo do oeste á mañá e noroeste á tarde e á noite, con ondas de 5 a 5.5 metros á mañá, 6 a 7 metros á tarde e 6.5 a 7.5 metros á noite.
Cámaras web da comarca (algunha pode nun funcionar puntualmente)
- Coroso directo _ Santa Uxía de Ribeira
- Praia de Balieiros directo- Corrubedo
- Praia da Ladeira directo- Corrubedo
- Praia das Furnas directo. Porto do Son
- Praia Aguieira directo.Porto do Son
- Portosín. Porto do Son
- Sálvora. Santa Uxía de Ribeira
- Pobra do Caramiñal directo. A Pobra
- Centro Náutico do Freixo
- Praia de Carnota
- Praia de Corón Vilanova de Arousa
- O Grove
