Este sábado, empeza o imverno ás 10,21 da mañá e Galicia situarase nunha zona intermedia entre altas e baixas presións, o que permitirá a chegada dunha fronte moi debilitada que afectará principalmente ao norte da comunidade, podendo chegar o norte da comarca.
Os ceos permanecerán maioritariamente nubrados, con nubes máis densas nas provincias da Coruña e no norte de Lugo, onde se prevén precipitacións de carácter feble, especialmente durante a tarde. Pola contra, a metade sur gozará de maiores claros ao longo da xornada.
As temperaturas mínimas experimentarán un lixeiro ascenso, mentres que as máximas non rexistrarán cambios significativos. O vento soprará moderado do suroeste no litoral norte e frouxo no resto da comunidade, cambiando a noroeste e mantendo unha intensidade frouxa tras o paso da fronte durante a tarde.
O domingo teremos ceos moi nubrados con precipitacións febles máis probables na metade norte. As temperaturas sufrirán un lixeiro ascenso.
O noso mar: Vento variable á mañá e á tarde e do nordés á noite, forza 1 a 2. Mar rizado á mañá e á tarde e mar ovellado á noite. Visibilidade boa á mañá e regular á tarde e á noite. Mar de fondo do noroeste, con ondas de 1 a 2 metros.
Cámaras web da comarca (algunha pode nun funcionar puntualmente)
- Coroso directo _ Santa Uxía de Ribeira
- Praia de Balieiros directo- Corrubedo
- Praia da Ladeira directo- Corrubedo
- Praia das Furnas directo. Porto do Son
- Praia Aguieira directo.Porto do Son
- Portosín. Porto do Son
- Sálvora. Santa Uxía de Ribeira
- Pobra do Caramiñal directo. A Pobra
- Centro Náutico do Freixo
- Praia de Carnota
- Praia de Corón Vilanova de Arousa
- O Grove
