A patronal boirense (ABE) vén de achegar boas novas para nenos e maiores: a visita a Boiro de Papá Noel este sábado 21, ao mediodía e pola tarde, no hall habilitado na praza do Concello.
Para quen queira acudir á recepción, a ABE explica que presentando un tícket ou factura de compra de mais de 10€ de calquera dos 207 socios da entidade empresarial boirense (poden acumularse e valen de calquera data) poderemos facernos unha foto especial con Papa Noel e levala de agasallo (impresa en tamaño 10×15) xunto cunha bolsa de doces co corazón de Somos Boiro.
Os horarios son os seguintes:
Sábado pola mañá de 12:00 a 14:00 horas
Sábado pola tarde de 16:30 a 20:30 horas
Visita de Papa Noel aos negocios participantes
Ademais os negocios participantes na campaña tamén recibirán a visita de Papa Noel o 23 e o 24 decembro, onde Santa Claus entregará unha bolsa de bombóns co logo de Somos Boiro, farase unha foto no negocio e agasallará lambonadas á rapazada que se atope alí ou polo camiño.
Os horarios son os seguintes:
Luns 23 pola mañá de 10:30 a 13:30 horas
Luns 23 pola tarde de 17:30 a 20:30 horas
Luns 24 pola mañá de 10:30 a 13:30 horas
O percorrido e os negocios que visitará pode consultarse na web da ABE ao igual que o resto de información da campaña.
Caixa de correo para as cartas Reis Magos
A ABE informou tamén que está colocada na praza do Concello a caixa de correos especial para que os cativos da casa poidan depositar as cartas para As Súas Maxestades Os Reis Magos de Oriente. As cartas poden conseguirse nos negocios participantes na campaña e entre todas as cartas recibidas sortearanse 3 bonos ABE especial aniversarios por un valor de 100€ para que o/as 3 neno/as gañadores/as os destinen á súa festa de cumpreanos (torta, agasallos, roupa, deportes, libros, comida, bebida ….)
Sorteos desta semana
En canto aos sorteos dos premios diarios de 100€ esta semana a ABE segue a incrementar o número de tíckets rexistrados e xa son 2681 dende o inicio da campaña o día 7 de decembro.
Os premiados de luns a xoves foron os seguintes:
Manuelita Vila Ferreiros – por compras en Ferretería Casais
Susi – por compras en Xoguetería Tatino
Cristina Rodriguez Cespón – por compras en Tiendas Pillados
Pilar Piñeiro Sayans – por compras en Cosmos Tendas Multiprezos
A ABE contactará cos premiados que recollerán os premios ao final da campaña nun acto o venres 10 de xaneiro ás 13:45 hs.
