Os bombeiros do parque Comarcal Provincial de Ribeira foron requiridos na madrugada deste sábado, sobre as 04:24 horas, por un incendio nunha nave no polígono industrial A Tomada, na parroquia de Lesón, no concello da Pobra do Caramiñal.
Ao chegar ao lugar dos feitos, procedeuse a extinción do lume e á retirada de material inflamable. Ardeu parte da lona da nave, con estrutura de aluminio, e tamén material que había no interior. Non houbo que lamentar feridos.
No operativo participaron os bombeiros e Garda Civil de Boiro e membros de Protección Civil da Pobra do Caramiñal.
