O Concello de Boiro está a levar a cabo a renovación de pavimentos en varias rúas do núcleo urbano e tamén na contorna do complexo deportivo de Vista Alegre, en Cubelo e no Currillo. En total destínanse 65.927 euros de fondos propios para este plan de renovación de pavimentos.
No núcleo urbano actuouse nestes días de decembro nas rúas Robustiano Pérez del Rio e Francisco del Río Romero, co obxectivo de reverter o estado de deterioro destas vías debido ao paso do tempo.
Ademais, esta tempada estase actuando tamén no arranxo da zona de estacionamento do complexo deportivo de Vista Alegre, un espazo moi transitado debido á cantidade de persoas que fan uso a diario da instalación deportiva. Ademais, iniciouse o asfaltado dun camiño do Currillo a Xermea.
Nas próximas semanas vaise actuar nos accesos ao lugar de Cubelo, unha actuación que contempla o asfaltado e a dotación de rede de pluviais.
