Vilagarcía acolle un podcast sobre María Araújo dentro do programa Aquí faltan páxinas

09 Decembro 2024

Volve esta semana o programa da Deputación de Pontevedra Aquí faltan páxinas, que busca enxalzar a figura de grandes mulleres vinculadas á provincia e relevantes na historia, desta volta reivindicando a María Araújo.

A dita colección botaba a andar o mes de febreiro coa figura da pintora Carmen Babiano. As accións deste ano tamén inclúen a historia de mulleres como as leiteiras de Pontevedra, a investigadora Inmaculada Paz Andrade, a escritora Avelina Valladares, a guerrilleira Placeres Castellanos, a fotógrafa Mary Quintero, as madriñas de Redondela, a raíña Dona Urraca, a política e activista Urania Mella, a artista contemporánea Mercedes Ruibal e a soprano María Pardo.

Antes de pechar o ano, a Deputación anuncia un segundo episodio do programa Aquí faltan páxinas, desta volta adicado a María a Guerrilleira, alcume co que se coñece a activista María Araújo, quen será a protagonista este xoves 12 de decembro en Vilagarcía de Arousa dunha nova entrega do dito programa. A deputada de Igualdade, Sandra Bastos, abrirá o faladoiro organizado pola Deputación de Pontevedra, que estará impartido pola profesora de Historia de América da Universidade de Santiago de Compostela Pilar Cagiao. O encontro terá lugar no Auditorio municipal ás 19 horas.

O faladoiro, que se poderá seguir a través do sitio web da Deputación, irá acompañado dun podcast que estará dispoñíbel nos vindeiros días, con testemuños recollidos durante o encontro. O evento centrarase na figura desta guerrilleira nada no Carril que loitou contra as ditaduras de Franco e de Batista. Con só dous anos emigrou a Cuba, onde casou con Sebastián Carcaño e xuntos participaron nas loitas proletarias, vinculándose ao entón nacente movemento comunista cubano. Ao seu retorno, María comezou a traballar nunha fábrica de conservas de Vigo e tomou as rendas do Sindicato de Conserveiras como militante do Partido Comunista. Durante a Guerra Civil participou na loita guerrilleira contra as forzas franquistas até que a encarceraron coa súa filla pequena. En 1944, o cónsul de Cuba en Vigo axudouna a saír de prisión e regresar a Cuba. Alí axudou aos guerrilleiros antifranquistas españois e aos comunistas cubanos contra a ditadura de Batista, amais de apoiar ao goberno revolucionario.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.