A Garda Civil detén na Pobra a cinco membros dun clan familiar por tráfico de drogas

26 Novembro 2024

Os arrestados, dous homes e tres mulleres, distribuían cocaína, haxix e marihuana a consumidores da comarca

Garda Civil

No marco da “Operación O inferno”, a Garda Civil detivo cinco persoas dun clan familiar acusadas dun delito contra a saúde pública por tráfico de drogas na Pobra do Caramiñal. Entre os arrestados, figuran dous homes e tres mulleres vinculados á distribución de cocaína, haxix e marihuana na comarca do Barbanza.

A investigación comezou en xuño de 2024 tras localizar un punto de venda de drogas no centro urbano da localidade. O líder do grupo, con antecedentes por delitos similares, trasladou posteriormente a actividade a unha vivenda unifamiliar nunha zona illada para dificultar o labor policial. Nese lugar, atendían a máis de trinta compradores diarios as 24 horas do día.

Os axentes lograron deter o xefe da banda cando saía da vivenda en patinete e, pouco despois, arrestaron os outros catro membros. Durante os rexistros, autorizados polo Xulgado de Primeira Instancia e Instrución N.º 3 de Ribeira, interviñéronse 50 gramos de cocaína, 284 de haxix e 1.382 gramos de marihuana almacenados en tarros herméticos. Tamén se incautaron 2.800 euros en efectivo, unha pistola de aire comprimido, varios coitelos e un teléfono móbil.

A operación permitiu desactivar dous puntos de venda de estupefacientes na comarca. O xulgado decretou o ingreso en prisión para o xefe do clan, mentres que os outros catro implicados quedaron en liberdade con cargos.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.