O venres pasado celebrouse en Outes unha xornada de traballo e concienciación sobre o maltrato e o abandono animal.
Nas actividades participaron estudantes da Educación Secundaria do IES Poeta Añón, que recibiron a visita de varios animais que se encontran acollidos no centro de rescate de XEA Galicia (Xestión Ética do Abandono), co propósito de concienciar sobre o abandono e o maltrato animal.
Primeiro asistiron a unha charla na que se concienciaba sobre a gran responsabilidade que implica ter unha mascota e os coidados que se lle deben proporcionar entre outras cousas, logo, puideron coñecer a varios animais rehabilitados polos adestradores de XEA e recibiron con atención unha serie de consellos prácticos para tratar aos animais de forma axeitada por parte dos profesionais.
