A Asociación Lisístrata recala en Rianxo para conmemorar o 25N, Día Internacional da Eliminación da Violencia contra a Muller. Farao coa función A Historia en Feminino, onde a narradora Ana Hermida fará un achegamento ao público infantil das moitas, 0sobresaíntes e descoñecidas mulleres que houbo ao longo da historia e que foron borradas da mesma. Científicas, guerreiras, inventoras, aventureiras, deportistas, escritoras, músicas… todas teñen cabida nesta historia en feminino. A cita será este luns pola mañá no CEIP Ana María Diéguez de Rianxo para o alumnado de infantil e primaria.
A función vén da man Asociación Lisitrata. Trátase dunha función familiar abeirada á Rede Cultural da Deputación da Coruña que inclúe historias contadas desde a perspectiva de xénero e igualdade, onde o rol feminino sexa, non o tradicional nos contos, senón algo igualitario, onde o final pode cambiar e a protagonista non se vexa como algo inferior e sempre coas mesmas identidades.
