Os días 22, 23 e 24 de novembro veciñanza e visitantes poderán desfrutar dunha nova edición da Semana Musical de Noia, XLVII edición. A axenda comezará o venres 22 na igrexa de San Martiño, ás 19.30 horas, cunha misa cantada.
Durante a mesma xornada do venres, ás 20.30 horas, con motivo da festividade de Santa Cecilia, celebrarase un concerto no Coliseo Noela, a cargo da orquestra, banda e coro do Conservatorio Profesional de Música Felipe Paz Carbajal do Concello de Noia, e do Conservatorio Profesional de Música de Santiago de Compostela.
O sábado 23 as actividades concentraranse no Coliseo Noela a partir das 20.00 horas, cun concerto a cargo da Coral Polifónica de Beluso, do Coro Canta Para Noia e da Coral Polifónica de Carnota.
O domingo 24 de novembro volverá a haber actividades no Coliseo Noela, a partir das 18.00 horas, a cargo da Banda de Música de Noia e da Coral Polifónica de Noia.
A Semana Musical está organizada pola Coral Polifónica de Noia, que complementará o programa de actividades cunha vertente solidaria. De feito, recolleranse donativos para Cáritas en axuda ás persoas afectadas pola DINA de Valencia.
A Semana conta coa colaboración do Concello, a Agrupación Folclórica de Salgueiriños de Noia, Rótulos Ageitos e a parroquia da Igrexa de San Martiño.
