Vanesa Tubío é a gañadora do premio bimensual de 50 euros que concede a patronal boirense en Bonos ABE para fidelizar á cidadanía ao seu boletín de novas, ao que xa se adheriron 329 clientes dos negocios de Boiro.
O pasado mes de abril a ABE presentaba as novidades do seu sistema de fidelización entre as que destacaba a posta en marcha dun boletín de novas ao que poden subscribirse os clientes para estar ao tento das promocións e actividades que organiza a asociación.
Ademais entre as vantaxes de permanecer subscrito figuran o acceso exclusivo a sorteos e promocións como o sorteo bimensual de 50€ en bonos ABE entre todos os subscritores activos do seu boletín de novas.
Como dixemos, a gañadora dos meses de setembro e outubro é Vanesa Tubio.
O calendario dos próximos sorteos é o seguinte: nos meses de novembro e decembro, sorteo 1ª semana de xaneiro.
Para participar nos sorteo os clientes so teñen que subscribirse ao boletín de novas da ABE a través da propia web (www.abe.gal) da entidade indicado unicamente o seu correo electrónico.
