O Concello de Muros celebrará o próximo sábado 21 de decembro a súa I Gala do Deporte. Será no Auditorio do Centro Cultural e Xuvenil ás 18:30 horas.
Con esta nova iniciativa, o Concello quere “recoñecer publicamente o esforzo, a dedicación, a entrega e os valores que a través do deporte transmiten os clubs, entidades e deportistas de Muros”, asegurou a alcaldesa, María Lago.
Segundo o concelleiro de Deportes, Damián Torea, “fainos moita ilusión a celebración desta gala, que ademais era moi necesaria no Concello de Muros para darlle visibilidade ao noso deporte, nun evento que será unha festa para toda a veciñanza”.
Engadiron que o prazo para a presentación das candidaturas será ata ás 14:00 horas do venres 29 de novembro de 2024. Haberá premios deportivos anuais nas seguintes categorías:
-Mellor deportista feminina do Concello de Muros.
-Mellor deportista masculino do Concello de Muros.
-Mellor club do Concello de Muros.
-Promesa masculina máis destacada do Concello de Muros.
-Promesa feminina máis destacada do Concello de Muros.
-Especial da “veciñanza” (será para o/a deportista con maior número de votos realizados a través da web municipal. A selección das candidaturas correrá por parte do Concello).
-Mellor evento deportivo municipal.
Entregarase tamén un recoñecemento especial do concello aos méritos conseguidos na súa traxectoria deportiva por deportistas locais, persoal ou directivos dos clubs, e ata tres mencións especiais.
Bases completas da gala no taboleiro de anuncios da web do Concello.
