Este domingo comezamos a recuperar a influencia anticiclónica, o que traerá un día cos ceos en xeral pouco nubrados ou despexados.
En canto ás temperaturas, as mínimas experimentarán un lixeiro descenso, especialmente nas zonas de interior e nas comarcas do norte. As máximas, por súa parte, permanecerán sen cambios significativos, con lixeiros ascensos na metade sur da comunidade e descensos nas áreas do terzo norte.
Os ventos soprarán de nordés, con intensidade frouxa na maior parte do territorio, pero serán moderados no litoral noroeste, onde se agarda unha maior presenza de nubes e de clima máis fresco.
O noso mar: Vento do nordés á mañá e á noite e do norte á tarde, forza 1 a 3 á mañá e 2 a 3 á tarde e á noite. Mar ovellado. Visibilidade boa. Mar de fondo do noroeste, con ondas de 1 a 2 metros.
