Un equipo de efectivos e material do GES de Muros sae para Valencia para axudar nos labores de rescate e reconstrución da DINA

05 Novembro 2024

Dous efectivos especializados do Grupo de Emerxencia Supramunicipal (GES) do Concello de Muros saíron esta mañá para a zona afectada pola DINA (siglas de Depresión Illada en Niveis Altos) con material. Con eles levan un vehículo da Agrupación de Voluntarios de Protección Civil de Muros e un remolque do Concello de Muros; unha bomba de achique somerxíbel; unha bomba de achique de gran caudal; palas; sachos; botas; mangueiras; equipos de iluminación; EPIS de seguridade; escobóns; capachos; mascariñas e luvas.

Este martes 5 de novembro reuníronse cos integrantes do GES (antes de partir) a alcaldesa de Muros, María Lago, e a concelleira de Seguridade, Sandra Maneiro. “Desde o martes pasado, no concello tiñamos claro que Muros ía estar alí axudando e colaborando cos medios que temos, pero queríamos facelo dunha forma efectiva e coordinada, planificar ben as cousas”, explica María Lago.

En coordinación coa ONG IAE e AXEGA, decidiuse que o envío de GES e o material que utilizan “é a día de hoxe o máis urxente e prioritario”, engade a alcaldesa.

“Quero destacar que para que os dous efectivos que mandamos poidan ir, os que quedan aquí tamén aportan suplíndoos no seu posto, aumentando horarios se é necesario, unha moi boa predisposición por parte de todos”, sostivo María Lago.

Na mesma liña incidiu Sandra Maneiro: “Foi un operativo moi difícil de coordinar, xa que van estar alá moitos días, pero gracias a disposición tanto do Concello de Muros, como de todos os membros do GES Muros, que se ofreceron a cubrir a falta dos compañeiros durante a súa estancia en Valencia, foi posíbel mandar este equipo”, agradecendo “que Protección Civil nos doase o vehículo”.

A alcaldesa de Muros lembra ademais que “a doazón máis valiosa que agora mesmo pode facer o concello de Muros é poñer os nosos efectivos de emerxencias a disposición das necesidades, sempre tentando traballar coordinados e en colaboración coas demais administracións implicadas”.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.