Non existen datos que relacione este accidente marítimo producido no Estreito de Xibraltar con tripulantes galegos, mais os efectos da colisión son seguidos con interese polos profesionais do sector marítimo na comunidade autónoma galega. Os buques afectados son o Souther Puma, barco cisterna liberiano, e o graneleiro abandeirado en Illas Marshall Louisa Bolten. O primeiro ten danos nun costado, e o segundo, na proa. Ambos os dous poderían seguir navegando, pero o Souther Pumaoptpu por permanecer no porto de Algeciras onde, previsiblementem, efectuará unha nova carga de parafina. Esta, ao igual que a vertida é, segundo o capitán do barco, biodegradable, no é tóxica e resulta doada a súa evaporaciòn. Non hai feridos entre os tripulantes, nen confirmación de que entre estes figure algún galego.
O vertido de 500 metros cúbicos de parafina producíuse a unhas 20 millas de Punta Europa, no Estreito de Xibraltar, e algo màis de 15 millas ao SE de Ceuta. O capitàn do buque cisterna foi multado con 23.000 euros.
A organización ecoloxista Verdemar/Ecoloxistas en Acción demandou de Capitanía Marítima de Alxeciras a orde de tipificación dos efectos no mar do vertido de parafina e que se valore o impacto ambiental producido no Estreito, a que logo as parafinas, afirman, danan o medio ambiente por seren extraídas do petróleo crú destilado, que pode afectar a centos de especies mariñas que frecuentan esa zona do Estreito de Xibraltar e o Mar de Alborán.
