O Samaín de Ribeira achega tres días de terroríficas actividades

30 Outubro 2024

A Asociación Cultural Alfaia e o Concello de Ribeira presentaron a axenda do Samaín de Ribeira, un estarrecedor programa de actividades que se estenderá ao longo de toda a fin de semana. A axenda, que cubrirá tres xornadas (do venres ao domingo) foi debullada pola concelleira de Cultura, Antía Alberte e María José Carreira representante da dita asociación.

A edil recordou que Alfaia é unha das asociacións máis antigas de Ribeira vinculada ao baile pero a maiores veñen facendo este festival de decoración temática na Carpa Municipal do Concello e “fan un traballo espectacular xunto aos obradoiros de maquillaxe para os cativos honrando toda esta época de misterio e paganismo, a cultura da Santa Compaña e traballando a cultura do medo”.

María José Carreira tamén agradeceu ao Concello polo constante apoio á asociación e quixo homenaxear ás compañeiras da xunta directiva que “hoxe non poden estar aquí”. Lembrou tamén os

comezos da asociación hai 27 anos, nun intre no que “buscabamos encher un espazo de actividades para os nenos; porque nós daquela tíñamos nenos pequenos e detectamos que había un baleiro de actividades para eles”. Recoñeceu que na actualidade boa parte da actividade da asociación céntrase en “fomentar e recuperar as tradicións locais de Ribeira”.

Respecto das actividades programadas para este Samaín, este ano apóstase por un pequeno festival no auditorio vello con desfile pola rúa cara o Carpa Multiusos onde está previsto “un acto de inauguración arrepiante”.

VENRES Día 1 de novembro

18.00 h Auditorio, Praza dos Mariñeiros

Actuación do Grupo de Baile da Asociación Alfaia

Entrada gratuíta 1⁄2 hora antes da sesión ata completar aforo.

Ao rematar irán en desfile desde o Auditorio, pasando pola rúa romero Ortiz, rúa de Galicia ata chegar ao Espazo Multiusos (Carpa Municipal na rúa Galicia).

19.00 h Espazo Multiusos (Carpa Municipal)

Inauguración do Samaín a cargo da Asociación Alfaia

Quedará aberta ata 21.00 horas

SÁBADO Día 2 de novembro

Espazo Multiusos, obradoiros de maquillaxe

17.00 a 21.00 h

DOMINGO Día 3 de novembro

Espazo Multiusos

Baile infantil con larpeiradas

17.00 a 21.00 h

Exposición de monstros do 1 ao 3 de novembro

Aberta e gratuíta no seguinte horario:

· venres de 19.00 a 21.00 h

· sábado e domingo de 17.00 a 21.00h

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.