Ao abeiro do Ciclo de Cinema Mestre Mateo da Deputación da Coruña, xira que percorre varios concellos da xeografía galega con proxeccións dos filmes galegos premiados pola academia galega, vaise proxectar en Boiro, este domingo 20 de outubro a partir das 19.30 horas no Centro Social, a longametraxe Fatum (2023), de Juan Galiñanes.
Fatum é unha co-produción galega do ano 2023 protagonizada por Luis Tosar, Álex García e Aron Piper.
A película é un drama e suspense que narra a historia de Sergio (Luis Tosar), un home con graves problemas de ludopatía, e Pablo (Álex García), un francotirador do Grupo Especial de Operacións (GEO), cuxas vidas entrelázanse tras un atraco a unha casa de apostas.
