Prosegue o outubro valleinclaniano da Pobra con presentacións literarias, parladoiros e teatro

15 Outubro 2024

A Pobra do Caramiñal suma unha nova semana de actividades culturais ao abeiro do programa de actos das XXVI Xornadas de Homenaxe a Valle-Inclán.

“Seguimos inmersas e inmersos no outubro valleinclaniano con tres novas propostas que se sucederán nestes días. Tres novas ocasións para aproximarnos a Valle-Inclán e á súa obra, que se centrarán nas letras e na dramaturxia”, nas palabras da concelleira da Cultura, Patricia Lojo.

A vertente literaria virá da man da presentación do libro A Única, Maria Casarès, de Anne Plantagenet e tradución de Isabel Soto, que se dará a coñecer no venres 18, ás 20.00 horas, no auditorio da Biblioteca Municipal. Aproveitarase a ocasión para ter un encontro coa actriz Berta Ojea, Premio Mestre Mateo 2023 pola serie Rapa.

Tamén se desenvolverá unha das principais novidades desta edición: a iniciativa Café con L. A sala de iconografía do Museo Valle-Inclán converterase nun parladoiro no sábado 19, ás 17.30 horas, mediante lecturas e conversas arredor do escritor degustando café con doces. Está suxeita ás inscricións previas a través do teléfono de contacto 681173484 ou do enderezo electrónico museo.valleinclan@apobra.gal ata completar as 20 prazas dispoñibles.

E haberá tamén oco para as artes escénicas. A compañía MyH Producciones subirá ás táboas do Teatro Cine Elma para representar Luces de bohemia. Será no domingo 20, ás 19.30 horas.

Unha quincena de citas culturais integran a axenda do outubro valleinclaniano, que transcorrerá durante todo o mes para lles achegar a faceta e o legado do literato a tódolos públicos.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.