Unha condutora e unha ocupante dun turismo Nissan resultaron feridas tras unha colisión frontolateral na estrada DP-7305, á altura de Aguiño. O accidente, no que tamén estivo implicado un vehículo Fiat, provocou que ambos os automóbiles envorcasen e terminasen en sentido contrario ao da súa marcha.
Ata o lugar desprazáronse efectivos do Grupo de Apoio e Emerxencias Municipal (GAEM) de Ribeira, a Policía Local, axentes de Tráfico e unha ambulancia do 061 para atender ás vítimas. As feridas foron trasladadas a un centro sanitario para recibir atención médica, mentres que as autoridades investigan as causas do sinistro.
