Os Espazos Sonoros chegaron ao seu remate en Porto do Son cun roteiro até o Castro de Baroña e cun concerto do asLan ensembLe e Helela Otero

09 Outubro 2024

A Deputación da Coruña impulsou este mes de setembro (entre os días 1 e 28) unha nova edición do certame de música clásica Espazos Sonoros, que percorreu diversos espazos da provincia fomentando o “diálogo entre a música e o patrimonio”. Entre estes espazos incluíuse o territorio de Porto do Son, onde estiveron programadas varias actividades impulsadas pola Deputación e o Concello.

Na axenda figuraba un roteiro polo Castro de Baroña (Coñece o teu patrimonio) que tivo o seu punto de partida, o pasado 28 de setembro, no edificio de actividades náuticas de Porto do Son. Foi unha ruta circular na que as persoas participantes puideron descubrir algúns dos elementos patrimoniais e paisaxísticos máis salientábeis da parroquia de Baroña, como o seu conxunto de hórreos, os petróglifos da Gurita (Abuín) ou o propio castro á beira do mar que leva o nome da parroquia. O roteiro tivo unha duración de tres horas e media e unha distancia de 8.5 quilómetros. Participaron medio cento de persoas.

A nova edición de Espazos Sonoros pechouse en Porto do Son, no edificio de actividades náuticas, cun concerto participativo dirixido polo asLan ensembLe e Helena Otero Correa, no que foi interpretada unha obra de Salvatore Sciarrino, A boca, os pés o son, para cuarteto de saxofóns solistas e outros tantos en movemento. O conxunto asLan ensembLe está integrado por Alberto Matarredona Donat, saxo alto; Helena Otero Correa, saxo alto; Irene Rodríguez Ordiales, saxo alto; e Silvia Sanagustín Samitier, saxo alto.

La bocca, i piedi, il suono foi composta polo italiano Salvatore Sciarrino, en 1997, é unha das pezas fundamentais do repertorio escrito para saxofón. Trátase dunha obra de carácter participativo que conta, para a súa execución, coa colaboración de saxofonistas procedentes de estilos diversos e de todas as idades. Nela o espazo revélase coma un elemento que vai definindo os movementos e a localización das persoas intérpretes o que fai que cada representación sexa única en coherencia co lugar escollido.

A agrupación asLan ensembLe formouse en 2014 no seo da prestixiosa clase de saxofón de Jean-Denis Michat, do Conservatorio de Lyon e fíxose rapidamente un oco no mundo da música de cámara. O grupo aposta, nos seus programas, por revisitar obras icónicas da tradición musical occidental a través dos seus arranxos e pola creación de novos repertorios para cuarteto de saxofóns.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.