Os restos do furacán Kirk deixarán un forte temporal de vento e chuvia especialmente durante a primeira metade da xornada. As chuvias serán xeneralizadas, intensas e persistentes ata media mañá en toda Galicia, pola tarde estas precipitacións iranse facendo máis intermitentes e irán perdendo intensidade. As temperaturas mínimas continuarán sen cambios significativos, coas máximas en lixeiro ascenso. Os ventos soprarán do suroeste con intensidade moi forte durante a madrugada e na mañá, co avance da tarde rolarán a noroeste e irán amainando progresivamente.
O noso mar: Vento do sudoeste á mañá, do noroeste á tarde e do oeste á noite, forza 7 a 9 á mañá, 5 a 6 á tarde e 2 a 3 á noite. Vaga á mañá, forte marusía á tarde e mar ovellado á noite. Visibilidade mala á mañá e regular á tarde e á noite. Mar de fondo do sudoeste á mañá e oeste á tarde e á noite, con ondas de 5 a 6 metros á mañá, 5 a 7 metros á tarde e 4 a 5 metros á noite.
Cámaras web da comarca (algunha pode nun funcionar puntualmente)
- Coroso directo _ Santa Uxía de Ribeira
- Praia de Balieiros directo- Corrubedo
- Praia da Ladeira directo- Corrubedo
- Praia das Furnas directo. Porto do Son
- Praia Aguieira directo.Porto do Son
- Portosín. Porto do Son
- Sálvora. Santa Uxía de Ribeira
- Pobra do Caramiñal directo. A Pobra
- Centro Náutico do Freixo
- Praia de Carnota
- Praia de Corón Vilanova de Arousa
- O Grove
