O Concello de Dodro activou a nova edición do seu programa de envellecemento activo para persoas maiores de 65 anos empadroadas no termo municipal, que inclúe obradoiros participativos de memoria e de actividade física e cognitiva. As actividades levaranse a cabo con grupos mínimos de cinco persoas en Teaio, Bexo, Imo, Tallós, Igrexa de Dodro, Traxeito e Lestrobe. As preinscricións xa están abertas chamando ao 981802466, de luns a venres e de 9 a 14 horas. Trátase dunha iniciativa destinada a mellorar a calidade de vida e autonomía das persoas maiores organizada coa colaboración da Deputación da Coruña.
