O Coliseo Noela acolle este sábado 5 de outubro ás 20:00 horas a presentación do novo disco do músico local Narci Rodríguez coa súa proposta dA Trío, The Glitch: Suite of the sad young men.
As entradas están á venda en Ataquilla.com e o día do concerto no portelo do Teatro de 18:45 a 19:45.
Segundo explica Narci na súa web, The Glitch é un traballo totalmente diferente ás contribucións previas do músico noiés en canto a estratexia e temáticas contando con moitas colaboracións.
dA Trío nace no 2019 como concepto e idea por parte de Narci Rodríguez (vocais e baixos) en conxunción con Ilmarto (baterías) e Zalo Ródriguez (teclas e sintetizadores). Trátase dun traballo de autor en diferentes linguas con breve historia pero con moita proxección futura. dA trío preserva as boas formas do groove, as mesturas electro-acústicas e a procura da música como motor de concienciación humana..
