Éxito de participación (e repercusión) da andaina solidaria a prol de GaliciaAME, en Porto do Son

30 Setembro 2024

Este domingo 29 de setembro Porto do Son rebordou solidariedade e espírito deportivo, coa celebración da Andaina-Xornada Familiar de GaliciAME, quedada gratuíta de camiñantes de todas as idades que tivo o seu punto de partida na fachada marítima da vila sonense (ás 11.00 horas) e que destacou pola súa accesibilidade (seis quilómetros de percorrido camiñábeis para todas as/os participantes potenciais) e polo seu poder de convocatoria: acudiron 300 persoas contra vento, marea e un ceo ameazando chuvia durante toda a xornada.

Non faltaron á cita a presidenta de GaliciAME, Merchi Álvarez, o pequeno-gran superheroe da asociación, Tiago Oujo, o alcalde do Son, Luis Oujo, o concelleiro de Deportes Carlos Lorenzo, e o músico Javi Maneiro (solista da mítica banda Heredeiros da Crus), padriño da iniciativa xunto coa xornalista Belén Xestal.

A andaina complementouse a partir das 13.30 horas (no Campamento Virxe do Loreto) cun xantar familiar con xogos, inchábeis e sorteos. Os premios (agasallos doados polo comercio local de Porto do Son) foron entregados precisamente polo padriño e a madriña da quedada solidaria.

O recadado na experiencia servirá para apoiar a causa solidaria de GaliciaAME, Asociación Atrofia Muscular Espinal, que contribúe dende hai anos (grazas en boa medida ás doazóns de cidadanía e entidades) á investigación centrada na AME (Atrofia Muscular Espinal), doenza xenética que afecta ás neuronas encargadas do movemento na medula espinal.

A actividade veu da man de GaliciAME e o Concello de Porto do Son.

No transcurso da andaina, GaliciAME outorgou distincións (Linguas de Ouro) ao alcalde sonense, Luis Oujo, ao concelleiro de Deportes, Carlos Lorenzo, á técnica de Xuventude, Ana Freire e ao técnico de Deportes, Luis Otero.

Outros artigos

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.