A Casa da Cultura de Boiro acolle este sábado 7 de setembro un Campionato galego e Open de Culturismo. O concelleiro de Deportes, Marcos Fajardo, participou na presentación da actividade xunto con Sebastián Lago e María Dolores Estévez, organizadores do campionato. A proba terá lugar o sábado 7 de setembro a partir das 16.00 horas na Casa da Cultura de Boiro e haberá categorías culturismo junior, senior e master; Mr. Atletic men short; Men physique junior, senior e master; Miss bikini junior, senio e máster; Miss wellmess; Miss Shape; Miss figura; Miss sport model e culturismo feminino. “É a primeira vez que se organiza en Boiro un campionato de culturismo e é gracias á implicación de colaboradores e patrocinadores”, afirmou Sebastián Lago.
Haberá premios en metálico para as distintas categorías e está previsto que participen uns 20 deportistas, algúns deles boirenses e tamén da comarca. “É un orgullo para Boiro acoller este campionato e facelo da man dun deportista como é Sebas, nunha modalidade deportiva que cada vez ten máis adeptos”, afirmou Marcos Fajardo.
