O Concello de Boiro celebra este venres 6 de setembro a III edición do Distintivo Benestar Social, uns galardóns que teñen como finalidade recoñecer e promover a labor social e de voluntariado no municipio en entidades, persoas e empresas. O acto será público e terá lugar ás 19.00 horas no Pazo de Goiáns.
O Distintivo Benestar Social do Concello de Boiro naceu no ano 2022 coa finalidade de recoñecer e promover a labor social e de voluntariado no municipio, recoñecendo a persoas, entidades ou empresas que destaquen polas accións realizadas en beneficio da cidadanía.
Os galardóns divídense en seis categorías distintas que este ano premiarán á asociación local Amicos na categoría de Entidade Social; Carlos Mora Eiras en Superación e Exemplo; Elizabeth Caballero Reyes en Sector Empresarial; e a Federación Galega de Persoas Xordas (FAXPG) en Méritos Extraordinarios. Tamén se recoñecerá o labor do Fondo Galego de Cooperación e Solidariedade.
O galardoado ou galardoada na categoría de Voluntariado será desvelado durante o desenvolvemento do acto.
