Co remate do mes de agosto chega un acontecemento deportivo de gran relevancia no calendario do Barbanza e de Galicia: a Carreira Pedestre Nocturna de Noia, que este 2024 celebra os seus 26 anos de historia. Como novidade destacada este ano, a convocatoria deste 31 de agosto será a Edición Tariku Novales, en homenaxe ao atleta local que vén de competir nos Xogos Olímpicos de París.
As inscricións para a XXVI Carreira Pedestre Popular de Noia finalizarán o mércores 28 agosto 2024 23:59h. ou ao completar a cota de prazas dispoñíbel. Este domingo 25 de agosto xa estaban confirmadas 230 persoas inscritas. Quen precise máis datos pode obtelos a través da web Emesports.
A proba inclúe o trofeo especial Hipólito Rey “Polo” para os 3 primeiros clubs federados da clasificación final da proba de 8 K.
Ademais, establécense os seguintes premios:
-Tres primeiros/as clasificados/as absolutos masculinos e femininos da proba de 8 K (adultos).
-Tres primeiros/as clasificados/as de cada categoría establecida, tanto masculinos como femininos, agás nas categorías chupete e pitufo onde non haberá trofeos.
-Tres primeiros/as atletas locais clasificados/as da proba de 8 K, tanto masculino como feminino.
