Os corpos dos falecidos no naufraxio do “Argos Georgia” chegan este luns a Galicia

18 Agosto 2024

Os familiares dos tres españois que perderon a vida no afundimento do palangreiro “Argos Georgia” recibirán os seus corpos este luns para darlles o último adeus.

O avión ten previsto aterrar sobre as 17:00 horas no Aeroporto de Alvedro nun voo comercial procedente de Madrid tras aterrar o procedente de Inglaterra. Traerá a Santiago Leyenda, cociñeiro principal da embarcación; César Acevedo, patrón de pesca do barco, e Antonio Barreiro, segundo enxeñeiro do buque.

Desde alí partirán en coches fúnebres cara aos seus lugares de orixe e algúns familiares criticaron a “desesperación” que lles supuxo esperar case un mes pola repatriación do cadáver.

O pesqueiro afundiuse nas Malvinas o pasado 22 de xullo. Catorce persoas lograron sobrevivir, entre eles seis españois. Nove tripulantes morreron, tres deles galegos, e outros catro non apareceron, entre os que se atopa o galego Juan Antonio García Rey, Pichón, substitución de máquinas, de Ribeira .

Os sobreviventes españois foron repatriados o 28 de xullo, menos dunha semana despois do naufraxio, pero os corpos das vítimas mortais non puideron ser trasladados no avión militar fretado polo Goberno de España debido aos protocolos esixidos polas autoridades británicas.

Así, os corpos dos nove falecidos no afundimento do palangreiro foron trasladados a Gran Bretaña e aterraron o 31 de xullo en Brize Norton, no condado de Oxfordshire, para sometelos aos exames forenses que confirmaron que entre eles estaba o tripulante de Noia Antonio Barreiro, quen inicialmente figuraba como desaparecido.

O Goberno tratou de axilizar a burocracia para traer a Galicia a Barreiro, Leyenda e César Acevedo, aínda que o traslado correspondeu á armadora e xa se asumía que polo menos ía demorarse unhas dúas semanas.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.