A empresa ribeirense Frinsa pechou o exercicio 2023 cunhas vendas que alcanzaron os 712,8 millóns de euros, un 17% máis que os 609,6 millóns rexistrados en 2022. Esta cifra marca un récord de facturación para a compañía e permítelle superar novamente ao seu competidor Nauterra (antes coñecido como Calvo), o xigante de Carballo, que quedou en 697 millóns de euros de vendas.
O aumento na facturación de Frinsa, propiedade da familia Carregal, logrou un crecemento a dobre díxito tanto en vendas como en beneficios, alcanzando un beneficio neto consolidado de 30,1 millóns de euros, un 27% máis que os 23,7 millóns obtidos no exercicio anterior. Con todo, non logrou superar o récord de 34,3 millóns de euros rexistrado en 2021.
O resultado de explotación de Frinsa, reflicte o desempeño operativo do grupo e mostrou unha mellora significativa, aumentando de 34 a 41,5 millóns de euros.
