O Concello de Outes informou esta semana do inicio dos traballos para mellorar e acondicionar o edificio da Casa da Cultura, poñendo o foco na estética do mesmo (nunha primeira fase dos traballos). As tarefas a desenvolver inclúen o lavado total das fachadas do edificio e a pintura da fachada principal e teitos exteriores. Segundo engadiron fontes do Consistorio, “o obxectivo desta primeira fase é manter e coidar este edificio municipal tan importante na dinamización cultural do concello e embelecer a contorna”. As obras encádrase no plan de mantemento e coidado de edificios municipais impulsado polo actual equipo de Goberno.
