Os bombeiros do parque Comarcal Provincial de Boiro participaron esta tarde nun operativo dirixido ao rescate dunha persoa no río San Xoán, debido a unha caída nun terreo pedragoso do tramo fluvial, no concello da Pobra do Caramiñal.
Un home foi evacuado a bordo do Pesca-I ao quedar ferido nunha zona de difícil acceso en A Pobra do Caramiñal
Tras ser rescatado, o home foi trasladado ata o Hospital Álvaro Cunqueiro.
O 112 Galicia tivo constancia deste suceso despois do aviso dun particular minutos antes das 15 horas. O alertador indicaba aos xestores que un home esvarara nunhas rochas e caera mentras estaba a realizar a Ruta polas pozas do Río Pedras, na parroquia de Lesón, en A Pobra do Caramiñal. O ferido atopábase consciente, pero sufrira un golpe na cabeza que lle causara unha ferida grande e atopábase mareado.
Con esta información, desde o Centro Integrado de Atención ás Emerxencias 112 Galicia solicitouse a intervención dos Bombeiros de Ribeira. O aviso tamén se pasou ao Servizo de Urxencias Sanitarias de Galicia-061, aos Bombeiros de Boiro, aos axentes da Garda Civil e da Policía Local así como aos efectivos de Protección Civil.
Os equipos de emerxencia, unha vez chegaron ao punto, informaban que era preciso a mobilización de medios aéreos para o rescate da persoa, xa que a evacuación por terra ía ser difícil polas condicións do terreo, polo que desde o 112 Galicia informouse ao Servizo de Gardacostas de Galicia, que mobilizou o helicóptero Pesca-I para o punto. Tamén foi notificado Salvamento Marítimo.
Finalmente, unha vez o ferido foi rescatado, realizouse o seu traslado ata o Hospital Álvaro Cunqueiro.
