Volve Paisaxes Sonoras (quinta edición) con concertos nos pazos de Goiáns e Rianxiño, no Parque de San Roque e en Cabío

31 Xullo 2024

Na mañá deste 31 de xullo presentouse no Parque Periurbano de San Roque en Ribeira a V edición do festival Paisaxes Sonoras, o festival de Barbanza Arousa que reivindica espazos de singularidade paisaxística, ambiental e cultural como escenarios de concertos de artistas de primeiro nivel. Desta volta poranse en valor o Pazo de Goiáns, o Pazo de Rianxiño, o Parque Periurbano de Ribeira e o Miradoiro de Cabío na Pobra.

Participaron na presentación Luís Pérez Barral, presidente da Mancomunidade Barbanza Arousa e alcalde de Ribeira; Patricia Lojo, concelleira de Cultura da Pobra do Caramiñal; María Outeiral, concelleira de Cultura de Boiro; Julio Alcalde, concelleiro de Cultura de Rianxo; Francisco Suárez-Puerta e Antía Alberte, concelleiros de Festexos e de Cultura de Ribeira respectivamente e Fátima Cachafeiro, xerente da Mancomunidade Barbanza Arousa.

Segundo fixeron saber, o festival estenderase entre os días 23 e 25 de agosto de forma itinerante entre os 4 concellos de Barbanza Arousa. Nesta ocasión os artistas serán o día 23 de agosto ás 20:00 horas Abraham Cupeiro en Boiro, o dia 24 de agosto as 12:00 horas Uxía e Ruibal en Ribeira e ás 20:00 The Rapants na Pobra do Caramiñal e, finalmente o dí9a 25 de agosto ás 12:00 horas Xurxo Fernandes e Pan sen Fron en Rianxo.

Igual que nas anteriores edicións, este festival realízase en cooperación coas concellerías de cultura e festexos dos catro concellos e as localizacións serán 4 espazos culturais e naturais de gran potencial turístico do destino. O Pazo de Goiáns en Boiro, o Pazo de Rianxiño en Rianxo, O Parque Periurbano de San Roque en Ribeira e o Miradoiro de Cabío na Pobra do Caramiñal serán os lugares emblemáticos deste festival.

Esta edición, ademais, estará marcada por unha tripla fusión entre natureza, música e enogastronomía, con actividades como degustacións e visitas guiadas que se desvelarán proximamente.

A partir deste 31 de xullo están as entradas á venda no portal Ataquilla, sendo unicamente abonos para os 4 concertos, cun custe de 20 euros máis gastos de xestión.

“Barbanza Arousa é un destino con moitas potencialidades turísticas e culturais; con paisaxes cheas de encanto, elementos culturais e gastronomía de primeira orde. O evento Paisaxes Sonoras pretende poñer en valor esa paisaxe tan característica do noso territorio, dando a coñecer recursos singulares coma este no que nos atopamos, o Parque Periurbano de San Roque”, manifestou Luis Pérez Barral, presidente da Mancomunidade, que aproveitou tamén para convidar a veciños, veciñas e visitantes a desfrutar desta cita cultural e turística que ano tras ano se está consolidando no destino.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.