A Área de de Cultura do Concello volve organizar este ano unha nova edición do Festival Noites de Jazz, unha cita para os seareiros deste estilo musical que inclúe (como de costume) concertos nocturnos na rúa e actividades complementarias (obradoiros, sesións de improvisacións, actividades formativas) e que dará comezo este martes 30 de xullo e desenvólvese até o venres 2 de agosto.
Os concertos serán ás 22.00 h no Campo de Arriba:
-Martes, 30/07 EMR Big Band
-Mércores, 31/07 Simón García Quartet
-Xoves, 01/08 Marcel Pascual Quinteto
-Venres, 02/08 The Sar Swing Quintet
O festival conta ademais con actividades paralelas relacionadas co mundo do jazz, que son as que citamos a continuación:
-Un curso de Big Band que se levou a cabo durante este mes de xullo.
-Unha jam session aberta o pasado 2 de xullo no café A Lareira, organizada pola Escola de Música de Rianxo.
-Un monográfico sobre baile swing, que se leva a cabo até o 30 de xullo no Cuartel Vello.
Quen precise máis información pode consultala na web do certame Noites de Jazz.
